lupangpangako

Lupangpangako

Aminan ni juan dela cross

Umamin na si marcos, Umamin na si Imelda, Umamin na si erap, Umamin
na si j. Velarde, Umamin na si abalos at garci, Umamin na si neri,
Umamin na ang nbn zte nrt srt, Umamin na si jdv, Umamin na si
jocjoc, Umamin na ang dar fertilizer, Umamin na si j. pidal, Umamin
na si ramos, Umamin na si enrile, Umamin na ang senado, Umamin na
ang kongreso, Umamin na ang gobernor, Umamin na ang mayor, Umamin na
ang kapitan, Umamin na ang mataas na hukuman, Umamin na ang pcso,
doj, doh, dpwh, ppa, dilg, decs, dti, sss, dotc, pcso, denr, custom
etc., Umamin na ang afp, pnp, nbi, Umamin na, Umamin na si gloria!

At isinuli na nilang lahat nang may ikatlong beses... wala nang
gagaya pa.
kaya simula ngayon mawawala na ang kahirapan sa bansa. Inaayos na
lahat ng kalsada sa lahat ng mga probinsiya, meron na ring ilaw at
tubig sa lahat ng lugar 24/7. maayos na rin ang komonikasyon. lahat
ng bahay naka-internet na. Inaalagaan na rin ang kapaligiran meron
nang tagapangalaga sa lahat ng yamang kalikasan ng bansa sa dagat
man o lupa. Maayos na rin ang mga patubig sa buong kapatagan o
bukirin. Maayos na ang lagay ng mga magsasaka. Isa na namang
pagangkat bigas galing sa atin at marami pang ibang produksiyon.

Nagpagawa na rin ng mga bagong paaralan. Kasabay nito dumami na rin
ang mga guro dahil sa magandang sweldo. Makakapag-aral ng lahat ang
mga kabataan dahil libre na ang lahat mula elementarya hanggang
kolehiyo. At lahat naka-connect sa mundo. Moderno na ang mga gamit
at sistema at kalidad ng bawat paaralan.

Nagpagawa na rin ng mga solar at hydro power plants sa ibat-ibang
lugar dahil dumami na ang investors. Nagsisibalikan na rin halos
lahat ng mga ofw at migrant workers abroad. Sama-sama nang muli ang
mga kapamilya at kapuso. Meron na silang kanikanila negosyo. Isa
nang ganap na komunidad, barangay at bayan nang may pagkakaisa at
kabayanihan sa lahat nang gawain. Nagbabahaginan ng kanikanilang
espesyal na kakayahan at yaman o ari-arian.

Mahigpit na rin ang pagpapatupad ng mga batas sa kabutihan ng lahat.
Ngunit di na yata kailangan iyun dahil lahat ng pilipino ay
sumusunod na nang maayos sa mga kautusan. Dahil dito nagkasundo-
sundo na rin ang lahat ng mga sangay ng pamahalaan upang lalo pang
mapanatili ang kaunlaran at kasaganaang matatamasa ng buong
sambayanan. Napakaganda na ng lahat ng mga serbisyo sa lahat ng
departamento ng ating gobyerno. Wala ng katiwalian lahat katiwalaan
na at pagtitiwala dahil sa katapatan ng bawat namumuno. Isa na
tayong marangyang bansa sa mundo at ang palit ng piso ay 1 peso
laban sa 1 dollar.. nabayaran na ang utang ng bansa kaya nga't
lalong dumami ang negosyo sa bansa na siyang ring pinanggagalingan
ng kabuhayan ng lahat. Marami na rin ang pag-angkat natin sa iba't-
ibang bansa na pinangangalagaan ang bawat produksiyon.

May mga bagong pinuno na ang bansa at lahat may tunay na
paglilingkod sa tao at sa bayan nang may paninindigan. Nagresign na
rin sa wakas ang lahat ng mga tiwaling pinuno mula barangay hanngang
presidente. Tapat na lahat. pati simbahan. Wala nang gumagaya sa mga
kabalintunaang pinapangyari tulad noon.

Sa atin naman, merong tayong isang kasama na nakahuli ng lapu-lapu
sa may pantalan. Balik basin na kasi ang mga tao sa atin, :)) Doon
na silang muli kumukuha ng agahan at hapunan nang sariwang sapsap at
tunggaw. Nagsibalikan na rin ang mga matambaka at talakitok pati
tangginggi.. nailipat na rin kasi ang ppa sa halsey. Gumawa na doon
ng pangmundong daungan para sa buong asia at isama na natin ang
mundo.

Meron na nga palang natagpuang langis sa kalayaan at lugar lugar sa
palawan, at masasabing ang palawan na ang pinakamayamang probinsiya
sa pinas. Dahil ipininagkaloob na ng pamahalaan ang yamang taglay
nito sa pamayanan ng palawan dahil na rin sa mga natuklasang langis…

Dahil sa pagsusuri ng mga saloobin at isipan ng lahat ay tuluyang
nang nabago ang bawat isa kasama na ang bansa at buong pamahalaan.
Ang patuloy na pagbabago ang siyang naging tulay nang tunay na
kaunlaran. Kaya nga't tinatamasa na ang isang pangarap na sa
panaginp lamang matatagpuan kaya lamang huwag sanang maging
bangungot sa mga umaming nailista at nakaligtaang ilista sa pagtulog
na ito.


Z Z Z Z Z Z Z Z Z Z Z Z Z Z Z Z Z Z Z Z Z Z Z Z Z z z z z z z z z z
z z z z z z z z z z z z z z z z z z z z z

gising
jong
gising

zzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzz
zzzzzZZZZZZZZZZZZZZZ


sarap matulog
abril uno na pala, kahapon pa…

:))